WWW.EVENTX.MN ВЕБСАЙТ/АППЛИКЕЙШНЫ ҮЙЛЧИЛГЭЭНИЙ НӨХЦӨЛ

1. Эвент хонх ХХК-ийн албан ёсны бүтээгдэхүүн www.eventx.mn нь эвент үүсгэх, зохион байгуулах, оролцох цахим орон зайг бий болгож, эвентийн бүх төрлийн үйлчилгээг (цаашид “харилцагч” гэх) цахимаар авах боломжийг олон нийтэд хүргэнэ. 

2. Үйлчилгээний нөхцлөөр вебсайт болон аппликейшнээр дамжуулан үйлчилгээ үзүүлэгчээс бүх төрлийн үйлчилгээ, бүтээгдэхүүн санал болгох, худалдах, хэрэглэгчийн зүгээс үйлчлүүлэх, худалдан авахтай холбоотой үүсэх харилцааг зохицуулна. 

3. Үйлчилгээний нөхцөлд хэрэглэсэн дараах нэр томьёог дор дурдсан утгаар ойлгоно. Үүнд: 

• “цахим үйлчилгээний систем” гэж албан ёсны гэрээт үйлчилгээ үзүүлэгчийн бүтээгдэхүүн, үйлчилгээг хэрэглэгчдэд санал болгох, захиалга, худалдан авалтыг цахимаар хийх нөхцлийг бүрдүүлсэн цахим веб хуудас www.eventx.mn болон ухаалаг утсанд зориулсан eventx аапликейшныг (цаашид eventx гэх);

• “хэрэглэгч” гэж үйлчилгээний нөхцлийг хүлээн зөвшөөрч, eventx-г хэрэглэж буй иргэний эрх зүйн бүрэн чадамжтай иргэн, хуулийн этгээдийг;

• “үйлчилгээ үзүүлэгч” гэж бүтээгдэхүүн, үйлчилгээ хэрэглэгчдэд үзүүлэх хуулийн этгээд, хувь хүнийг;

• “цахим гарын үсэг” гэж хэрэглэгчийг танин баталгаажуулах үйл ажиллагаанд хэрэглэж буй нэвтрэх нэр, нууц үг, баталгаажилтийн нэг удаагийн нууц үг, бусад цахим өгөгдлийг тус тус ойлгоно. 

4. Хэрэглэгч EventX.mn вебсайтад өөрийн бүртгэлийг үүсгэж, бүртгэлээ баталгаажуулахаас өмнө үйлчилгээний нөхцөл, нууцлалын бодлоготой танилцаж, зөвшөөрсөн тохиолдолд “зөвшөөрч байна” товчийг дарснаар үйлчилгээний нөхцлийг  хүлээн зөвшөөрсөнд тооцно. Үйлчилгээний нөхцлийг вебсайтын үйлчилгээний нөхцөл хэсэгт нээлттэй байршуулна. 

5. Хэрэглэгч үйлчилгээний нөхцөл, нууцлалын бодлогыг хүлээн зөвшөөрөхгүй тохиолдолд үйлчилгээ авахаас татгалзах эрхтэй. Татгалзсан тохиолдолд www.eventx.mn вебсайт, аппликейшны үйлчилгээг авах боломжгүй. 

6. Eventx нь албан ёсны харилцагчийн бүтээгдэхүүн, үйлчилгээний мэдээллийг хэрэглэгчид хүргэж, танилцуулах болон худалдан авалт, захиалгыг цахимаар хийх боломжийг өөрсдийн цахим системээр дамжуулан хэрэглэгчид олгоно. 

7. Eventx-д байршуулсан харилцагчийн мэдээллийг вебсайтад ангилан оруулах бөгөөд хэрэглэгч өөрөө чөлөөтэй сонгох боломжтой. 

8. Харилцагчийн бүтээгдэхүүн, үйлчилгээг үзүүлэх болон авах хугацааг хэрэглэгч захиалга үүсгэсний дараа сонголтоор харуулах бөгөөд харилцагч тухайн захиалга, өдөр, цагийг баталгаажуулсанаар захиалга амжилттай болсонд тооцно. Харилцагчийн мэдээллийг үндэслэн цахим системд захиалга баталгаажих бөгөөд харилцагчийн үйл ажиллагаа, зохион байгуулалтаас хамаарсан алдаа дутагдлыг харилцагч бүрэн хариуцна. 

9. Хэрэглэгч нь иргэний эрх зүйн бүрэн чадамжтай байх ёстой бөгөөд архи согтууруулах ундаагаар үйлчилдэг үйлчилгээ +21 насны хязгаартай байна. 21 нас хүрээгүй этгээд насаа худлаа бүртгүүлж,      согтууруулах ундааны үйлчилгээ авсан тохиолдолд гарсан үр дагаврыг www.eventx.mn  хариуцахгүй. 

10. Үйлчилгээний нөхцлийн хэрэгжилтэд www.eventx.mn болон хэрэглэгч хамтран хяналт тавина. 

11. Зарим бүтээгдэхүүн, үйлчилгээ нь хэрэглэгчийн насны хязгаартай бөгөөд тухайн насны хязгаарт хүрээгүй тохиолдолд тухайн үйлчилгээг үзүүлэх боломжгүй. 

12. Хэрэглэгч үйлчилгээний нөхцлийг зөвшөөрсөнөөр үйлчилгээ авах эрх үүсэх бөгөөд EventX вебсайтын зүгээс төлбөргүй болон төлбөртэй үйлчилгээг энэхүү үйлчилгээний нөхцөлд заасны дагуу үзүүлнэ. 

1. Eventx вебсайт болон аппликейшнд бүртгүүлэхдээ “нэвтрэх” хэсгийн сошиал суваг болон и-мэйлээр нэвтрэх хэсэг болон “бүртгүүлэх” хэсгийг сонгоно. Цахим шуудангаар бүртгүүлэх тохиолдолд цахим шууданд ирсэн баталгаажуулах и-мейл, гар утасны дугаараар бүртгүүлэх бол гар утасны дугаарт ирсэн баталгаажуулах кодыг баталгаажуулах хэсэгт оруулснаар бүртгэл баталгаажна. Тухайн илгээсэн  нууц кодыг оруулж, бүртгэл баталгаажуулснаар хэрэглэгчийн цахим гарын үсэг үүссэн гэж үзнэ. Хэрэглэгч нь бүртгэл амжилттай болсны дараа нэвтрэх бөгөөд өөрийн нууц үг, хэрэглэгчийн нэрээ өөрөө оруулж, өөрийн нууц үг, нууцлал, цахим аюулгүй байдлыг хангах үүрэгтэй. 

2. Хэрэглэгчээр бүртгүүлж нэвтэрсний дараа eventx-н цахим үйлчилгээг авах, захиалга үүсгэх, эвэнт үүсгэх, найзаа урих, бүтээгдэхүүн үйлчилгээ захиалах, харилцагч болон үйлчилгээг үнэлэх зэрэг үйлдэл хийх эрх үүснэ. 

3. Хэрэглэгч нь eventx-д өөрийн хувийн мэдээллийг бүрэн зөв оруулах үүрэгтэй бөгөөд нэвтрэх нэр болон нууц үг буюу цахим гарын үсгээ бусдад дамжуулахгүй байх, үүнтэй холбоотой учирч болох аливаа эрсдэлээс сэргийлэх үүрэгтэй. Энэхүү үүргээ биелүүлээгүйгээс өөрт болон бусдад учирсан хохирлыг хэрэглэгч бүрэн хариуцна. Өөрийн хувийн мэдээллийн үнэн бодит байдлыг хариуцна. Хувийн мэдээлэл худлаа оруулснаас өөрт болон бусдад учирсан хохирлыг хариуцан арилгана. 

4. Хэрэглэгч өөрийн бүртгэлийг хүчингүй болгох тохиолдолд eventx үйлчилгээний аливаа төлбөрийн үлдэгдэлгүй байх шаардлагатай. Өөрийн бүртгэлийг хүчингүй болгох хүсэлтийг вебсайт/аппликейшны холбоо барих хэсэгт байршуулсан info@eventx.mn вебсайтаар хүсэлт илгээнэ. Ийнхүү хүсэлт илгээснээс хойш ажлын 5 хоногт багтаан eventx нягталж, цуцална. Бүртгэл цуцлагдсан тохиолдолд eventx-с таны бүртгэлтэй утасны дугаарт мэдэгдэл илгээх бөгөөд хэрэглэгч хүссэн үедээ бүртгэлээ эргэн сэргээх боломжтой. Эргэн сэргээхдээ анхлан бүртгүүлэхтэй ижил зарчмаар бүртгүүлнэ. 

5. Eventx хэрэглэгчийн мэдээллийг гагцхүү цахим үйлчилгээ үзүүлэхэд ашиглах бөгөөд өөр аливаа зорилгоор ашиглахгүй. Хэрэглэгч санал, гомдол, санал хүсэлтээ eventx-н www.eventx.mn вебсайтын онлайн туслах цэс болон фейсбүүк дэх хуудсанд хандан мессеж илгээх, эсвэл help@eventx.mn  цахим хаягаар цахим шуудангаар илгээх боломжтой. 

1. Эвент үүсгэх, эвент баталгаажих:

• Хэрэглэгч eventx платформ, цахим системийг ашиглан 24 цагийн аль ч хугацаанд хэдэн ч удаа төлбөргүй болон төлбөртэй эвент үүсгэж, хөгжүүлж болно. 

• Хэрэглэгч нь эвент үүсгэж, зааврын дагуу 100%  төлбөрийг бүрэн шилжүүлсэнээр эвэнт баталгаажна. Төлбөр баталгаажсанаар хэрэглэгч болон үйлчилгээ үзүүлэх харилцагчийн хооронд үйлчилгээ үзүүлэх гэрээ автоматаар байгуулагдсан гэж үзнэ.

• Хэрэглэгч эвэнт үүсгэснээс 3 минутын дотор төлбөр төлөгдөөгүй бол автоматаар үүсгэсэн эвент болон захиалга цуцлагдах бөгөөд цуцлагдсан эвэнт, захиалгыг дахин сэргээх боломжгүй байна. Хэрэглэгч тухайн хугацаанд амжиж төлбөр гүйцэтгэж чадаагүйгээс эвэнт болон захиалга цуцлагдсан бол eventx аливаа хариуцлага хүлээхгүй. Гэхдээ хэрэглэгч тухайн эвэнтийг хэдийд ч ахин үүсгэх боломжтой. 

• Төлбөргүй эвэнт үүсгэсэн тохиолдолд шууд ашиглах боломжтой. 

• Хэрэглэгч нь садар самуун сурталчилсан, нийгмийн хэв журмаас гажсан, бага насны хүүхдийг уруу татсан, өдөөн турхирсан, мөрийтэй болон бооцоот тоглоомтой адилтгах төрлийн эвэнт үүсгэхийг хориглоно. Ийм төрлийн эвэнт үүсгэсэн хэрэглэгчийн үйлдэлд eventx хариуцлага хүлээхгүй. Тухайн үүсгэсэн эвэнт нь илтэд гэмт хэргийн зорилготой бол түүнийг холбогдох цагдаа, хуулийн байгууллагад хандан мэдээлнэ. 

2. Төлбөр төлөх, худалдан авалт хийх 

• Хэрэглэгч эвент үүсгэж, захиалга хийж баталгаажуулсаны дараа цахим хэлбэрээр захиалгын хуудасны мэдээлэл авна. EventX захиалгыг баталгаажуулж байх хугацаанд захиалгын нийтдүн, төлбөр гүйцэтгэх хэлбэр, төлбөр хүлээн авагч байгууллагын нэр, дансны дугаар зэргийг хэрэглэгчид ойлгомжтой хэлбэрээр хүргэнэ. 

• Хэрэглэгчийн үүсгэсэн эвент, захиалга болгон нь дахин давтагдашгүй захиалгын дугаартай байх бөгөөд “миний булан” хэсгээс захиалгаа харах боломжтой. Нэгэнт төлбөр төлөгдөж баталгаажсан захиалга, эвентийг засварлах, өөрчлөлт оруулах боломжгүй байна.

• Хэрэглэгч төлбөртэй эвэнт үүсгэж байгаа тохиолдолд eventX-н багцаас сонгож, үнийн дүнг 30 минутын дотор төлнө. Тухайн хугацаанд багтааж төлбөр төлөгдөөгүй тохиолдолд төлбөртэй эвэнт үүсгэсэн эвэнт дотор архивлагдана. Хэрэглэгч өөрөө хэдийд ч төлбөр төлж, нээлттэй төлөвт шилжүүлэх боломжтой. 

3. НӨАТ-н баримт илгээх 

• Захиалга болон үйлчилгээний төлбөрийн ибаримт нь eventx-н харилцагчийн үйл ажиллагааны онцлогоос хамаарч захиалга баталгаажиж, үйлчилгээг авсанаас хойш ажлын 5-7 хоногийн дотор хэрэглэгчийн eventx профайл болон бүртгэлтэй цахим хаягаар илгээгдэнэ. НӨАТ төлөгч биш байгууллагын үйлчилгээ, бүтээгдэхүүний ибаримт нь зөвхөн сугалааны эрхтэй илгээгдэнэ. 

• Ресторан, караоке зэрэг шууд үйлчилгээний төлбөрийн баримт олгодог газруудын хувьд ибаримтыг кассан дэээрээс шууд олгох бөгөөд үйлчилгээний төлбөр болон үйлчилгээний чанарт eventx аливаа  хариуцлага хүлээхгүй. Мөн үйлчилгээний чанарын талаар баталгаа гаргахгүй болно.

• Үйлчилгээний байгууллагуудын eventx вебсайт дээр харагдаж байгаа үнэлгээ нь платформ, апп хэрэглэгч, үйлчлүүлэгчдийн бодит үнэлгээ бөгөөд үнэлгээг харж сонголт хийх эрх нь хэрэглэгч, үйлчлүүлэгчид хадгалах буюу eventx автоматаар санал болгодоггүй болно. 

1. Хэрэглэгч бүтээгдэхүүн, үйлчилгээний захиалга хийж баталгаажуулсаны дараа цахим хэлбэрээр захиалгын хуудасны мэдээлэл авна. Мөн eventx нь захиалгыг баталгаажуулж байх хугацаанд захиалгын нийт дүн, төлбөр гүйцэтгэх хэлбэр, төлбөр хүлээн авагч Байгууллагын нэр, дансны дугаар зэргийг Хэрэглэгчдэд ойлгомжтой хэлбэрээр хүргэнэ.

   1. Үйлчилгээний байгууллагуудаар үйлчлүүлэх захиалга өгөхдөө 

2. Хэрэглэгчийн хийсэн захиалга бүр дахин давтагдашгүй захиалгын дугаартай байх бөгөөд миний захиалсан хэсгээс захиалгын тухай дэлгэрэнгүй мэдээллийг харах боломжтой.

3. Захиалга баталгаажуулах дүн: 

• Газрууд, үйлчилгээ захиалга: захиалсан ширээний баталгаажуулалтыг системд гарсан дүнгээр

• Эвэнт үүсгэх: хэрэглэгчийн сонгосон багцын дүнгээр

• Бүтээгдэхүүн захиалга: төлбөр 100% 

төлсөнөөр хэрэглэгчийн захиалга баталгаажиж, үйлчилгээ, бүтээгдэхүүн авах эрхтэй болно. Хэрэглэгч төлбөрийг өөрийн сонгосон төлбөрийн хэрэгслээр захиалга үүссэнээс 15 минутын дотор төлсөнөөр захиалга баталгаажна. 

4. Захиалга баталгаажсанаар хэрэглэгч тухайн үйлчилгээг бүрэн авах боломжтой болно. 

5. EventX харилцагчийн болон хэрэглэгчийн мэдээллийн үнэн зөв байдал, тэдний эрх ашиг сонирхлыг хамгаалах үүднээс аливаа захиалгыг цуцлах боломжгүй байна. 

1. Хэрэглэгч вебийн үйлчилгээ болон харилцагчийн үйл ажиллагаанд холбогдуулж санал хүсэлт, гомдлоо вебсайт, аппликейшны “санал хүсэлт” цэсээр болон Event X Mongolia facebook хуудас, эсвэл help@eventx.mn цахим шуудангаар дамжуулан цахимаар гаргана. 

2. Хэрэглэгч нь Eventx болон үйлчилгээ үзүүлэгч, харилцагч байгууллага, эвэнт зохион байгуулагчийн талаар аливаа гомдол, санал хүсэлтийг нэн тэргүүнд цахим хэлбэрээр eventx-д гаргах бөгөөд асуудал шийдэгдээгүй байх үед байгууллага болон харилцагч байгууллага, эвэнт зохион байгуулагчийн нэр хүндэд халдахуйц хэлбэрээр олон нийтийн мэдээллийн хэрэгслээр мэдээлэл түгээхгүй байх үүрэгтэй. 

3. Хэрэглэгч өөрийн хувийн мэдээллийг вебсайт болон аппликейшн дээр шинэчлээгүйгээс гарсан захиалгын зөрүү, үл ойлголцолд eventx хариуцлага хүлээхгүй.

1. Гэнэтийн давагдашгүй хүчин зүйлсийн улмаас талуудын энэхүү үйлчилгээний нөхцөлд заасан үүргээ биелүүлээгүй буюу зохих ёсоор биелүүлээгүй бол нөгөө талдаа ажлын гурав хоногийн дотор цахим шуудангаар дамжуулан мэдэгдэх ба энэ тохиолдолд үүрэг гүйцэтгэх хугацаа нь энэхүү нөхцөл байдал үргэлжлэх хугацаагаар хойшлогдоно.

2. Гэнэтийн давагдашгүй хүчин зүйлс бий болсон нь нэг сараас дээш хугацаагаар үргэлжилсэн тохиолдолд талууд асуудлыг харилцан зөвшилцөх замаар шийдвэрлэнэ.

3. Гэнэтийн давагдашгүй хүчин зүйлс гэдэгт талуудын хараа хяналтаас гадуур болсон, урьдчилан таамаглах боломжгүй, урьдчилан сэргийлж, шинжлэх ухаан, техникийн ололтыг ашиглан даван гарах боломжгүй дараах саад тотгор тохиолдсоны улмаас талууд энэхүү Үйлчилгээний нөхцөлд заасан үүргээ биелүүлж чадахгүйд хүрэхийг ойлгоно. Үүнд:

• Зарласан болон зарлаагүй дайн, зэвсэгт мөргөлдөөн, бослого, гадаадын түрэмгийлэл, хорлон сүйтгэх ажиллагаа, хувьсгал;

• Байгалийн бүх төрлийн гамшиг /гал түймэр, газар хөдлөлт, хүчтэй хар салхи, шуурга, аянга цахилгаан, үер усны гамшиг зэрэг/ 

• Төрийн албан тушаалтны хуулийн дагуух болон хууль бус үйлдэл, эс үйлдэл, эрх зүйн акт, тушаал, захирамж; 

• Тэсрэлт, дэлбэрэлт, машин үйлдвэрлэлийн тоног төхөөрөмжийн эвдрэл, цахилгааны ноцтой гэмтэл; бүх төрлийн хязгаар хориг, өвчин тахал, хорио цээр, хариуцлагаас чөлөөлөгдөх хүсэлтэй талын аж ахуй нэгжид тохиолдсон ажил зогсолт, ажил хаялт;

• Программ хангамж, техник тоног төхөөрөмжийн эвдрэл гэмтэл, хакер халдлага зэрэг, үүнээс бусад талуудын хүсэл зоригоос үл хамаарах шалтгаануудыг ойлгоно.

Давагдашгүй хүчин зүйлсийн улмаас талууд хууль болон энэхүү Үйлчилгээний нөхцөлд заасан үүргээ биелүүлээгүй эсвэл зохих ёсоор биелүүлээгүй талууд үүнийг нотолсны дүнд харилцан бие биений өмнө болон гуравдагч этгээдийн өмнө хариуцлага хүлээхгүй.